نكت روووووووووووووووووووووووووووووووووعة

واحد بيقول للشيخ :
ألا لو أنا اتزحلقت في المطبخ غصب عني ...

و دخل في بوئي شوية ميه و صباعين محشي و حتة لحمة و حتتين كنافة ... غصب عني

...كدا أبقى فطرت؟؟
..........
.
.
.
.
.
.
.
.
قاله :

لا كدا تبقى إتغديت




وانطلق صلاح الدين الأيوبى إلى ريتشارد قلب الأسد
فقال له : أتريد الســـــــــــــــــــلام ؟؟؟؟؟؟
.............................
رد ريتشارد : لا الــــــــــعــــــــــبـــور
..
فقال صلاح الدين : انها نفس الأجرة ... اركب يامعلم


محشش جابوه للقاضي قاله لو قلتلى 10 حاجات بتعملها من ساعة ما تصحى لغاية ما تنام وتكون تبدا بحرف الالف حسيبك؟ قاله المسطول: اجيبها واحرقها وافرطها والفها و اولعها واعمرها وامخمخ
انسطل اطفيها انام.



مجنون و مجنونة كانو ماشيين جمب بسين فى مستشفى المجانين ... فالمجنون رمى نفسه فى المياه والمجنونة انقذته (جاه الدكتور تانى يوم للمجنونة وقال لها عندى ليكى خبر حلو والتانى وحش الاول انتى خفيتى وهتخرجى من المستشفى ، والتانى صاحبك المجنون شنق نفسه) قالت له لأ ..ده انا كنت معلقاه عشان ينشف



واحد عنده مزرعة فراخ.. دخل المزرعة لقي كل فرخة بايضة بيضة واحدة بس.. مسك فرخة من رجليها ونتف ريشها وقطعها.. وقال للفراخ اللي مش هتجيب بكرة خمس بيضات هقطعها زي الفرخة دي.. تاني يوم لقي كل الفراخ بايضة خمس بيضات ماعدا فرخة بايضة تلات بيضات بس.. فقلها ايه ده؟؟ قالت له استر عليا ده انا ديييييييييييك



كان فى قرية كلها اغبياء وكان فيها حفرة كل الناس بتوقع فيها وتتعور
العمدة جمع اذكى 3 فى القرية علشان يحلو المشكلة
اول واحد قال: احنا نبنى مستشفى جنب الحفرة اللى يقع يدخل يتعالج
العمدة:انت غبى اوى
تانى واحد:احنا نجيب اسعاف جانب الحفرة اللى يقع تشيلة للمستشفى
العمدة:انت اغبى منة اقعد
التالت:يا حضرة العمدة احنا نردم الحفرة دى ونعمل واحدة تانية جنب المستشفى




مرة واحد حلاق بيعلم ابنه الصغير الحلاقه
وكل ما يغلط الولد يجى ابوه يضربه بالخرزانه
يقوم الولد موطى تيجى فى الزبون وكل مرة كده
لغاية لما الزبون استوى
وفجأة قطع الولد ودن الزبون فمسكها فى يده
وقال للزبون يا فندى يا فندى ودنك اتقطعت
قاله الزبون ابوك شافك قال لأ
قاله طب ارميها بسرعة قبل ما ابوك يشوفها



واحد شكله غلبان ويصعب عالكافر قاعد على قهوه باصص لكوباية شاي قدامه ومتنح !

شافه واحد رذل عامل نفسه فتوه ,فقال أما اروح أتنطط عليه شوية,راح أدخل عليه وشادد الكوباية من قدامة وشربها على بق واحد , وحطها قدامه فاضيه وقال له ماتنساش تدفع البقشيش !

الراجل راح منفجر في العياط والنهنهة! لدرجه إنه صعب على الفتوه ,فخبط على كتفه وقال:
ياراجل ماتعملش في نفسك كده , معقوله راجل بشنبات يعيط علشان كوباية شاي بخمسين قرش؟
أنا مش بعيط علشان الشاي , بس النهارده أسوأ يوم في حياتي!

صحيت الصبح متأخر , فأخذت الموتوسيكل بتاع أخويا علشان ألحق أفتح المحل , بس برضه وصلت متأخر وصاحب المحل هزأني, ما أستحملتش راح طاردني.

جيت أخذ الموتوسيكل علشان أروح لقيته أنسرق , رحت أبلغ أخويا , أتهمني بسرقته! و, و بعد ما ضربوني في القسم علشان أعترف طلعوني بكفالة مش عارف حأسددها أزاي.

و حتى لما قررت أنتحر , جيت أشرب كوباية السم , جيت أنت وخطفتها من إيدي وشربتها .
.دا انا حظى نحس







كل يوم النمر ينزل في الأرنب ضرب و يقول له إنت ودانك طويلة ليه. اشتكى الأرنب للأسد و قال له على تصرفات النمر معاه.الأسد قال للنمر يا أخي إتلكك
للأرنب بطريقة أحسن من كده، قول له هات لى جزر، إذا جاب لك جزر لونه
أصفر إضربه و قول له أنا عاوز جزر أحمر، و إذا جاب لك جزر أحمر إضربه و
قول له أنا عاوز جزر أصفر. فقال النمر للأرنب أنا عاوز جزر، فقال له الأرنب،
عاوز الجزر أصفر و لا أحمر.النمر نزل في الأرنب ضرب و قال له إنت ودانك
طويلة ليه



مدرس بيسأل طالب
لو خيروك بين المال والعقل هتختار ايه ؟

...الطالب قال: المال
..........................................
............>>>
المدرس ابتسم وقال: أنا اختار العقل

الطالب ابتسم ايضآ و قال: والله كل واحد يختار اللي ناقصه

هههههههه حلوه اوي

ههههههههههههههههههههاي
النكت يجنن
يسلموو

هههههههههههههه النكت حلوة شكرااااااااا

هههههههههههههههههههههههههههههههه
النكت حلو اوي