ســــبـب تــســـمــيـــة أمـــاكــــــــن بـــهـــذا الاســــــــم

,
,
,
كوبري القبة

المهندس اللي بناه كان واقف علية فالسيجارة وقعت منة فقال - اوبااااااااااااا
--------------------
وادي النطرون
-------------------
كان في طفلين اخوات بيلعبو بالنطرون واتخانقوا فجة ابوهم و راح رامي النطرون
و قال لهم - وااااااادى النطرون - اللي انتو بتتخانقوا عليه
-------------------
الوادي الجديد
-------------------
لما الأخوات اتصالحوا أبوهم جابلهم نطرون جديد بس اتخانقوا تانى
فقام أبوهم مسكه و رماه و قال - واااااااادى الجديد
---------------------
المنصوره
-------------------
زمان كان فى واحد فرنسى قاعد هناك
ركب الحصان بتاعة ونزل يتمشى فمنظر الزراعة والجناين عجبه اوى
راح ناده على واحد وقاله يا مان صوره يا مان صورة
ومنذ ذلك الحين تم تسميتها بالمنصوره
--------------------
المطرية
-------------------
في بداية نشأتها عام 1465 م
كان في 3 مهندسين شغالين في مشاريع الحفر و حبوا ياخدوا راحة
فواحد بيقول للتاني ما تقعد يا باشمهندس علي الكنبه
راح رد عليه لا دي كنبه ناشفة
رد عليه : فين يا عم ده - مطرية - أهي وزي الفل
ومن هنا سميت المطرية
--------------------
بـورسـعـيـد
-------------------
كان في واحد اسمه عيد ده كان بلطجي و بيحب يعمل مقالب في الناس
و كان عنده برص كان يقعد يرميه ع الناس عشان يقرفهم
و مكانش حد بيقدر يكلمه كله كان بيخاف منه
و في يوم جه واحد من مدينة تانية بعيدة فعيد رمى عليه البرص
فده تلقائي قام قلع الشبشب و طراااااااخخ على البرص
فكان في راجل كبير واقف قاله انت عملت اييه يا مجنون
فقاله قتلت البرص
قاله يخرب بيتك ده - برص عيد -
و من ساعتها و المكان دة اسمه بورسعيد
--------------------
الإسـكـنـدريـة
-------------------
الكبير اوى
كان فيه احتلال انجليزي علي شاطي مدينة وكان قائد الجيش اسمه اندرية
فلما واحد سأل علي المكان ده قالوا
- ask Andria -
فسموهاإسكندرية
-------------------
الإسماعـيـلـيـة
-------------------
كان فى خروف زمان هناك كانت الليه بتاعته بتعمل صوت
فكل اللى يجي عندو يقول للتانى - اسمع اللية
فتسمت بقى بعد كدا اسماعيلية
--------------------
المعادى
-------------------
عشان وهم بيعملوا الكورنيش واحد قلع هدومه و حب ينط في النيل
ولما سألوه :إنت إتجننت في عقل أهلك ؟؟ قاللهم - معــــــــادي - إيه المشكله يعني ؟
واتسمت من ساعتها المعادى
--------------------
حلوان
-------------------
علشان اتنين شباب بيعاكسوا اتنين بنات بيقولو لهم انتو بنتين حلوين
فالتاني قالو لأ لازم ترفع الخبر فرجع وقال انتوا بنتان – حلوان
فاتسمت من ساعتها حلوان
---------------------
سـوهـاج
-------------------
كان فى مدينة اسد عملاق اسمه سو
وكان لازم كل يوم الناس تأأكله
و فى يوم مأكلش فهاج عليهم
فواحد لقى الناس بتجرى قال لهم فى ايه
قالولوا الحق- (سو) هاج -
فسموها سوهاج
---------------------------------------------------------
بس خلاص يلا الحقوا ذاكروا كويس منهج التاريخ الجديد المدارس ع الابواب^_^